Түбән Кама муниципаль районы ГХАТ Идарәсе, әниләр көне алдыннан, «Әни елмаюыннан йорт җылыначак» онлайн – конкурсы үткәрде

2020 елның 23 ноябре, дүшәмбе

Түбән Кама муниципаль районы ГХАТ идарәсе «Гаилә» гаиләгә һәм балаларга социаль ярдәм күрсәтү үзәге белән берлектә, Әниләр көне алдыннан «Әни елмаюыннан йорт җылыначак» дигән онлайн – конкурс үткәрделәр.

Конкурста катнашу өчен, катнашучыларга әнинең яхшы кәефе өчен сәбәп булдырырга, аның йөзендә елмаю чакырырга һәм бу хакта кечкенә генә ролик төшерергә кирәк иде. Бәйге Бөтенроссия бәйрәме - Әниләр көненә багышланган иде.

Конкурсның төп максаты - гаилә кыйммәтләре һәм ана булу хөрмәте турында позитив күзаллауларны тарату, заманча технологияләр кулланып гаилә иҗади башлангычларына ярдәм итү.