ЯҢАЛЫКЛАР

Баулы ГХАТ бүлегендә агымдагы елның өченче пар  игезәкләр  тууы теркәлде. Бу искиткич вакыйга Ринат һәм Гөлназ Мухаметзяновлар гаиләсендә барлыкка килде.  Әти - әни бәләкәчләргә Әмирә һәм Самир дигән исемнәр бирделәр.

Шул ук  көнне ГХАТ бүлегендә Раяна,  Ясмина, Осман һәм Гаяз исемле яңа туган балалар теркәлде.

Азнакай районында елдан-ел "Гаилә, мәхәббәт һәм тугрылык көне" уңаеннан үткәрелә торган чаралар киңәя бара. Быел да, шундый матур һәм истәлекле көнне, ЗАГС бүлегендә, 11 пар үз мөнәсәбәтләрен теркәделәр. Әмма кульминицаясе булып, 27 ел бергә тромыш иткән, Фархуллиннар гаиләсенә, тантаналы рәвештә, район башлыгы урынбасары Нәгыймова Нәҗәт “Мәхәббәт һәм тугрылык өчен" медаль тапшыруы булды.

8 июль көнне Актаныш муниципаль районында  “Гаилә, мәхәббәт һәм тугрылык” көне үткәрелде. Тантана Меңнәр авылындагы мөселман сабантуенда көндезге 10 сәгатьтә барлык район халкы катнашында үткәрелде. Кичәнең кунаклары Әтәс авылыннан Хәмзин Илдар Мисбах улы һәм Хәмзина Гөлсинә Гаян кызы булдылар.

Әлеге бәйрәм уңаеннан ел саен Кайбыч районында бер-берсен яратып, хөрмәт итеп яшәүче үрнәк гаилә парына «Мәхәббәт һәм тугрылык өчен» медале тапшырыла. Быел әлеге бүләккә Хуҗа  Хәсән авылында яшәүче Кузьма Яковлевич һәм Мария Николаевна  Яшкиннар лаек булды. Әлеге кадерле бүләкне аларга гаилә, мәхәббәт һәм тугрылык көне уңаеннана үткәрелгән чарада район башлыгы Альберт Рәхмәтуллин тапшырды.

Әлмәт муниципаль районында туучылар саны шактый югары. 11 ел буена гаиләләргә дәүләт ярдәме буларак Ана капиталы, сабыйлар һәм  ата-аналарнын тормыш сыйфатларын арттыру очен  юнәлдерелгән.

Шушы еллар дәверендә безнең районда Ана капиталы алу өчен 15 меңнән артык гаилә сертификатлар алды.

“Гаилә, мәхәббәт һәм тугрылык көне” кысаларында Тукай муниципаль районында матур, эчтәлекле бэйрәм  уздырылды. Энҗе туйларын  билгеләп үткән Лаврентьев Михаил Владимирович һәм Любовь  Петровналарга “Мәхәббәт һәм тугрылык” медале тапшырылды. Бәйрәм  барышында флешмоб оештырылды – гаилә һәм мәхәббәт теләге язылган открыткалар таратылды, ромашка ясау буенча мастер класс уткәрелде.

2018 елның 7 июлендә Арча ГХАТ бүлегенең тантаналар залында Гаилә, мәхәббәт һәм тугрылык көненә багышланган бәйрәм узды.

Быел Аксубай муниципаль районында гаилә, мәхәббәт һәм тугрылык көне беренче тапкыр Аксубайның үзәк мәйданында билгеләп үтелде. Һәр теләгән кешегә символик “Мәхәббәт аркасы” янында фотога төшү һәм бәйрәмнең символы – ромашкадан – бәйләм ясау мастер-классында катнашу мөмкинчелеге тудырылган иде. Бәйрәм үз канаты астына гаилә парларын – юбилярларны, яшь гаиләләрне, өлкән сыйныф укучыларын, яшьләрне һәм гади район халкын җыйды.

“Бергә тудык” дип аталган игезәкләр конкурсына унлардан артык гаилә катнашты. Бәйрәм  берничә сәгатьтән соң “Гуляй парк” та дәвам итте. Җыелган халыкны Алабуга районы башлыгы Г.Е.Емельянов  исеменнән Загс бүлеге җитәкчесе Л.М.Григорьева котлады. Ул 50 елдан артык бергә яшәп, яңа гына юбилейларын уздырган Ивановлар гаиләсен котлап бүләкләр тапшырды. Юбилярлар 7 июлдә өйләнешергә гариза язган Рөстәм Ризванов белән Наилә Сиразиеваны котладылар. Бәйрәм тантанасы җырлар, уеннар белән чиратлашып барды.

    Талгать Әхәт улы агроном , Рәмзия Мансур кызы медицина хезмәткәре. Хузиннар 40 ел матур тормыш итәләр, купләргә үрнәк гаилә булып торалар.

    Хузиннар 3 бала устереп, аларны Республиканың лаеклы гражданнары итеп тәрбияләгәннәр. Кечкенәдән хезмәткә мәхәббәт уятып, пөхтәлеккә , олыларны хөрмәт итәргә өйрәткәннәр. Өч уллары да төрле җитештерү тармакларында эшли.  Әлеге бәйрәм көнендә Саба районы башлыгы Рәис Нургалиевич Миннеханов Хузиннар гаиләсен тәбрикләп  медальне тапшырды.