ЯҢАЛЫКЛАР

      Түбән Кама муниципаль районы Иске Чишмә авыл җирлегендә «Поп һәм аның хезмәтчесе Балда турында әкият» дигән театральләштерелгән тамаша булып узды. Әлеге спектакльне авылның яшь артистлары мәктәп яны лагерена йөрүче балаларга, әти-әниләренә һәм авыл халкына күрсәтте. Тирә-юньдә аллы-гөлле җәй хөкем сөргән мәлләрдә күрсәтелгән әлеге тамаша балаларны, әти-әниләрне, әби-бабайларны тагын да ныграк берләштерде, гаилә дигән кечкенә дәүләтләрнең бөтенлегенә, ныклыгына бергәләп ирешергә, сабыйларда якыннарыңа карата мәхәббәт тәрбияләргә кирәклегенә тагын бер кат төшендерде. Спектакль тәмамлануга балаларга тәмле-татлы күчтәнәчләр өләшенде.

      Бөтендөнья әтиләр көнендә, 2014 елның 15 июнендә, Яр Чаллы шәһәрендә сабыйларны тантаналы рәвештә язып чыгару булды. Бу көнне әтиләргә бүләкләр бирелә һәм бәйрәм оештырыла. ГХАТ идарәсе белгечләре бар әтиләргә дә кызыл шарлар бүләк иттеләр.

Әтнә муниципаль районы Түбән Бәрәскә авылында яшәүче Фәрзәнә Назмиевага 15 июнь көнне 90 яшь тулды. Шул уңайдан аны котларга Әтнә муниципаль районы башкарма комитетының социаль эшләр буенча җитәкчесенең урынбасары, Түбән Бәрәскә авыл җирлеге вәкилләре, ЗАГС бүлеге җитәкчесе, редакция вәкилләре килделәр. Фәрзәнә Назмиеваның бәйрәмен котлап истәлекле бүләкләр тапшырылды.

      Бала туу гаиләдә мөһим вакыйга. Гаилә өчен әтинең роле дә әни кебек үк бик әһәмиятле. Һәр бала өчен әти – ул ярдәм һәм таяныч, чын егет һәм яклаучы үрнәге. Чын әтиләрнең тырышлык һәм максатларын хөрмәтләп, без бер ничек тә аларны котламыйча кала алмыйбыз. 100 елдан артык билгеләп үтелүче “Әтиләр көне” бәйрәме быел 15 июньдә булды. Татарстан Республикасы Бөгелмә муниципаль районы башкарма комитеты Гражданлык хәле актларын теркәү бүлегендә Муруновлар гаиләсенә котлаулар яуды. Гаилә башлыгына бала туу турында таныклык белән истәлекле бүләкләр тапшырылды.

      Россия көне уңаеннан, 2014 елның 12 июнендә, Спас муниципаль районы ГХАТ бүлегенең тантаналар залында 5 яшь Рәсәй гражданнарына паспорт тапшыру тантанасы үткәрелде. Чара ГХАТ бүлеге һәм Федераль миграция хезмәте тарафыннан үткәрелде. Шәхесне билгеләүче документны алырга балалар әти-әниләре белән килгән иделәр. Мондый темага үткәрелгән чаралар балаларда патриотик хисләр тәрбияләп, шәхесне билгеләүче документның әһәмиятен арттыралар. 

Шакир кызы  Кәримә  тумышы беләндә  Сокман авылыныкы һәм гомер юлын   да шушы авылда  уздырды. 90 яшьтә булуына карамастан ул уз хужалыгын  чисталыкта , тәртиптә тота, бакчада яшелчәсен , бәрәнгесен устерә.  Кәримә апа ачык, кин кунелле , ярдәмчел  кеше, авлынын  яше- карты   анын  изге  кинәшлэрен  тоталар.  Ул  алты  бала анасы, аларны   тормын  иптәше  белән  тәрбияләп  устереп һәм  укытып  олы тормыш  юлына озатканнар,  бугенге  көндә  тормыш  иптәше  мәрхум. Кәримә апа  12 оныгына 14  оныкчыгына  бик яраткан  әби дә.

Туган  көнендә   хөрмәтле   Шакир кызы  Кәримә апаны  котларга   һәм   истәлекле  буләкләр  тапшырырга,   Әгерже  муниципаль районы  Башлыгы урынбасары  Р.Т. Нурисламов   Р.Т.,  Тәбәрле авыл жирлеге башлыгы   Харасов   М.М.   һәм     Тәбәрле авыл жирлеге  башкарма комитеты  житәкчесе  урынбасары  Шарафиева Г.И.  килделәр

Бу көннәрдә һәр елдагыча Актаныш муниципаль районында яфрак- печән әзерләү  айлыгы бара. Һәр оешма, Башкарма комитет хезмәткәрләре әлеге эштә актив катнаша.Район ЗАГС бүлеге хезмәкәрләре , авыл җирлеге секретарьлары да  бу эшнең алгы сафында.

      Баулы шәһәренең үзәк мәйданында Россия көненә багышланган чара узды. Шул чара кысасында 14 яшьтәге 20 егет һәм кызга тантаналы рәвештә паспортлар тапшырылды.

      Баулы шәһәре башкарма комитеты җитәкчесе Шарипов Р.А. яшь гражданнарны тормышларындагы мөһим вакыйгалары белән тәбрик итте һәм Россия Федерациясенең лаеклы шәхесләре булуларын теләде.

       Яшь гражданнарга истәлекле бүләкләр тапшырылды.

Чүпрәле районында чираттагы Ана (гаилә) капиталы сертификатларын тапшыру яшҗ парларны теркәү белән берләштерелде. Сертификатларны район пенсия фонды бүлеге җитәкчесе Измайлов Илҗмир Расых улы тапшырды. Шулай ук биредә райондагы банк бүлекчәренең вәкилләре дә катнашты.Нәк менә шушы көнне Нигматуллиннар гаиләсенә 1000-е Сертификат тапшырылды. Бу гаилә күптән түгел генә икенче улларының тууын теркәде һәм инде август аенда 10-еллык гаилә юбилеен үткәрергә җыена. Ана капиталына ия булган бәхетле әниләребез һәм гаилә парларыбыз яңа тормышка аяк баскан яш гаилә парына бәхетле тормыш теләделәр, шулай ук алар күрсәткән үрнәктән читтә калмаска өндәделәр.

      Яр Чаллы шәһәренең ГХАТ идарәсе белгечләре табигать кочагында кече сабантуй бәйрәмен үткәрделәр. Бәйрәм күңелле бәйгеләр, командалы уеннар, җыр-биюләр белән алып барылды.