ЯҢАЛЫКЛАР

Бәйрәмдәге кунаклар арасында Алабуганың танылган, данлыклы гаиләләре күп иде. Алар арасында - Хисаметдиновлар гаиләсенә быел “За любовь и верность” медале тапшырылды.

Бәйрәмдә һәркемгә таныш бу гаилә янында яңа гына өйләнешкән яшь парлар – Щербеневлар гаиләсе дә катнашты Алабуга башкарма комитеты җитәкчесе урынбасары К.Г.Макаров бу парларга бүләкләр тапшырды,мактау сүзләре әйтте.Соңыннан мәйданда зур концерт-тамаша булып узды.

* * *

ЗАГС бүлегендә 8 июльдә барлык килгән гражданнарга махсус ясалган открыткалар бирелде. ЗАГС бүлеге бу көнне бик матур итеп, ромашка чәчәкләре белән бизәлгән иде. Көне буе музыка яңгырап торды. Бу көнне ЗАГС бүлеге җитәкчесе Л.М.Григорьева яңа туган 8 балага документ тапшырды һәм гаиләләрне гаилә бәйрәме белән котлады.

Азнакай муниципаль районында Гаилә, мәхәббәт һәм тугрылык көненә багышланган бик күркәм бәйрәм үткәрелде. Әхмәтҗановлар гаиләсенә медаль тапшырылды. Шулай ук бәйрәм алдыннан гына яна гаилә корып яши башлаган бер яшь парны,  2014 нче елның 8 июль көнендә дөньяга килгән кызчык-Ясминәнең  әтисен тәбрикләп,  туу турында таныклык , истәлекле бүләкләр  һәм район башлыгы Шәйдуллин Марсель Зөфәр улының котлау адреслары тапшырылды.

Бар табигать бөреләнеп чәчәк аткан вакытта, кояшта бар җылысын, якты нурын мул итеп кешеләргә өләшкән вакытта бик матур бәйрәм –гаилә, мәхәббәт һәм тугрылык бәйрәме билгеләп үтелә. Алтын туйларын билгеләп узган, матур гаилә корып, тату-тигез гомер кичергән парларга Россия президенты указы нигезендә мәхәббәт һәм тугрылык медале булдырылды. Быел бу медальгә Балтач районы Яңгул авылында 62 ел бергә кулга кул  тотынып, уйны уйга ялгап  гомер кичерүче Гаптелбәр абый белән Нәзифә апа Гаптелбариевлар лаек булды. 2014 елның 8 июль көнендә Балтач мәдәният йортында юбилярларга медальне җылы теләкләрен юллап, район башкарма комитеты җитәкчесе урынбасары И.Ф.Гайнетдинов тапшырды.  Район ветераннар советы рәисе Абдуллин Р.А., шулай ук Яңгул авыл җирлеге башкарма комитеты җитәкчесе урынбасары Р.Х.Гыйлманова юбилярларга матур теләкләрен җиткерделәр. Шулай ук  2 номерлы балалар бакчасы нәниләре дә  үзләренең матур җыр-биюләрен тамашачыларга бүләк иттеләр. Бәйрәмдә яңа тормыш башларга ниятләп гариза биргән яшь парлар да катнашты. Гаптелбәр абый белән Нәзифә апа аларга тату гаилә серләрен ачып, изге теләкләрен җиткерделәр.

      “Гаилә, мәхәббәт һәм тугрылык” бәйрәме Татарстан һәм Рәсәй регионнарында 8 июль көнне билгеләп үтелә. Шушы бәйрәм уңаеннан “Казан” гаилә үзәгендә яшь гаиләләргә ана капиталына сертификат тапшыру тантанасы узды.

      Гаилә ул – тормышнын нигезе. Әти-әни анын тоткасы булса, балалар гаиләнең көзгесе. Әгәр тотка купмасын, ватылмасын дисәң,бер-береңне аңлап хөрмәт итеп яшәргә кирәк. Сертификат һәм чәчкәләрне Казан шәһәре Вахитов районы Пенсион Фонды җитәкчесе Арсланова Флида Зөфәр кызы тапшырды.

      Баулы муниципаль районы ГХАТ бүлегендә Гаилә, мәхәббәт һәм тугрылык көненә багышланган тантаналы чара узды.  Гаилә нигезенең ныклыгы белән ватандашлары арасында дан казанган, уртак хезмәт белән иминлеккә ирешкән һәм балаларын лаеклы җәмгыять әгъзалары итеп тәрбияләгән  Петр Александр улы һәм Тамара Петр кызы Зотагиннар, Юрий Александр улы һәм  Раиса Василий кызы Карпушкиннар гаиләләре “Мәхәббәт һәм тугрылык өчен” медале белән бүләкләнделәр.  Шулай ук Артыкбаевлвр, Алтаповлар, Салиховлар гаиләләренә  Ана капиталы сертификатлары тапшырылды. Район Башлыгы  Альберт Галимҗан улы Хабибуллин  гаиләге үрнәге булырдай парларны бәйрәм белән  җылы тәбрикләде.

      Бәйрәм көнне  “Хезмәткә дан “ районы газетасы  үткәргән “Без пар” дип аталган фотоконкурста җиңүче дип табылган Алсу һәм Радик Сөлймановлар гаиләсенә бүләк тапшырылды.

      2014 елның 8 июлендә Әтнә муниципаль районында Күәм авыл җирлегендә Фазлиевлар гаиләсенә медаль тапшырылды. Тәбрикләүдә башкарма комитетынын социаль эшләр буенча урынбасары, ЗАГС бүлеге мөдире, авыл җирлеге һәм район редакция вәкилләре. Бәйрәмдә кунаклар, туганнар катнаштылар. Бик күп әйбәт сүзләр әйтелде. Хәзерге вакытта Фазлиевлар Әтнә муниципаль районы Күәм авылында зур гаилә булып яшиләр. Оныкларны тәрбияләүдә булышалар. Фазлиевлар  бик зур ихтирамга лаек гаилә.

      Парларга бәйрәм символы буларак ромашкалар бүләк иттеләр.

      Бөтен Россия Гаилә, Мәхәббәт һәм Тугрылык бәйрәме хакына 8 - нче июль көнне яшь парларны котлаганда бәйрәм символы буларак ромашкалар бирделәр. Аларны биргәндә яшьләргә мәхәббәт һәм гаилә бәхете теләделәр.

      Гаилә, Мәхәхббәт һәм Тугрылык көне белән сезне!!!

8 июль көне  Печищи балалар бакчасында Гаилә, мәхәббәт һәм тугрылык көненә багышланган чара узды,аны Печищи мәдәният йорты мөдире Галина Полякова оештырды.Ул балаларга бу бәйрәмнең килеп чыгу тарихы турында сөйләде,шигырьләр укыды,кызыклы уеннар уйнатты. Балалар  рәхәтләнеп, шатланып барлык хәрәкәтле уеннарны уйнадылар.Чара азагында балалар асфальтка үзләренең гаиләләрен ясадылар. Кич белән “Ромашка” акциясен үткәрделәр. Гаилә, мәхәббәт һәм тугрылык бәйрәме сиволы булып ромашка чәчәге санала. Балалар авыл халкына ромашка чәчәге бәйләмнәре бүләк иттеләр һәм бәйрәм белән котладылар.

      2008 елдан башлап Россиядә 8 нче июльдә Гаилә, мәхәббәт һәм тугрылык көне билгеләп үтелә. Бу бәйрәм XIII гасырда яшәгән Муром князе Петр һәм аның хатыны Феврония хакында килеп чыкты.

     Казан шәһәре ГХАТ Идарәсе бу бәйрәм уңаеннан “Гаилә” үзәге территориясендә төрле тантаналы мероприятияләр үткәрә. Гаилә һәм аналарга багышланган балалар рәсемнәреннән төзелгән күргәзмә оештырылды. 18 сәгатьтә “Мәхәббәт һәм тугрылык” өчен медальләр белән 12 гаилә пары бүләкләнәчәкләр. Бәйрәмне концерт программасы дәвам итәчәк, яраткан артистларыбыз чыгыш ясарлар, аннан соң бию буенча мастер-класс үткәреләчәк, “Алтынчәч” чәч үрүләре, лотерея һәм “Казанка” елгасына су фонарьләре төшерү булачак.