ЯҢАЛЫКЛАР
15 майда һәр елны бөтен җирдә Халыкара гаилә көне бәйрәм ителә. 1994 елда БМО Генераль Ассамблеясе тарафыннан билгеләнгән бу көн хәзерге дөньяда гаилә очраша торган проблемаларга рәсми структураларның гына түгел, ә гади халыкның да игътибарын җәлеп итә.
14 май көнне Питрәч үзәгендә Яшьләр паркында гаилә бәйрәме үтте. Анда яшь парлар үзләреннен язылышу гаризаларына кул куйдылар. Алар һәм барлык кунаклар өчен төрле конкурслар үткәрелде.
2016 нче елның 14 май көнендә Арча районы ГХАТ бүлеге кысаларында гаиләләренең бриллиант, алтын, көмеш туйларын уздыручы Данил һәм Хания Рәхимбаевлар, Мөхәммәтнур һәм Фәния Шәвәлиевлар, Нәкыйп һәм Луиза Низамиевлар, Фаил һәм Лилия Шәвәлиевлар гаиләләрен тәбрикләү бәйрәме узды. Күп еллар бергә гомер итү өчен сабырлык, бер-береңә караты ихтирам кирәк.
Гаилә көне алдыннан Кайбыч муниципаль районында алтын, зөбәрҗәт, бриллиант, тимер туйларын билгеләп үтүче гаилә парларын тантаналы төстә тәбрик иттеләр.
Әлмәт муниципаль районы ГХАТ идарәсендә Халыкара гаилә көне алдыннан исем кушу тантанасы үткәрелде.
Бу матур чарага бәхетле гаиләләр чакырылды, ә Зариповлар кызлары Әминә 100-нче бала булып теркәлүенә аеруча шатланды.
14 май көнне Зәй районында “Гаилә – бәхет ачкычы” дигән кичә үткәрелде. Бәйрәмдә үрнәк гаиләләр Габидуллиннар, Хасаншинлар, Бывальцевлар, Шарафеевлар һәм Шарифиевлар катнашты. Гаиләләр үзләренең талантларын, төрле ситуациядән оста чыгуларын, зирәк тәрбияче булуларын күрсәттеләр. Гаиләдә татулык булса, бер-береңне аңлап, бер-береңә ярдәмләшеп яшәгәндә бу тормышта бик күп нәрсәләргә ирешеп була. Гаилә ул – җылы учак. Шушы учак мәңге сүнмәсен, сүрелмәсен. Аның янына һәр гаилә әгъзасы теләп җыелсын. Гаиләләребезнең нигезе нык, какшамас булсын. Аны беркем дә, беркайчан да җимермәсен. Кичә бик күңелле узды.
15 май көнне - язның иң матур аеның уртасында тату һәм дус яшәүче гаиләләр данлана. Бу бәйрәм - "Халыкара гаилә Көне". 14 май көнне Мөслим районы ГХАТ бүлегенең тантаналар залында яшь парлар Дмитрий һәм Екатерина Шалаевлар мәхәббәт һәм тугрылык антлары алмаштылар.
ГХАТ бүлеге җитәкчесе Магалимова Я. Ш. яшьләргә котлау сүзләрен җиткерде һәм аларны һәрвакыт мәхәббәт җылытуын, һәркайда балалар көлүе яңгырап торуын, ә туганнары терәк, таяныч булуын теләде. Шалаевлар гаиләсе тату һәм бердәм булыр дип ышанып калабыз.
Халык-ара гаилә көне алдыннан Югары Ослан муниципаль районы Башкарма комитетының ГХАТ бүлегендə тантаналы чара булып үтте. Рəсəй Федерациясенең Югары Ослан районы пенсия фонды җитәкчесе Линар Яруллин өч бəхетле гаилəгə ана капиталының сертификатын тапшырды.
2016 нчы елның 14 нче май көнендә Саба районы Мәдәният йортында «Гаилә - бәхет ачкычы» диеп исемләнгән кичә-конкурс үткәрелде. Әлеге конкурсның максаты һәм бурычлары - авыл жирлекләрендә гомер итүче яшь, матур гаиләләрне барлау, аларны таныту, ныклы никах җепләре идеясын алга сөру, гаиләдәге әхлакый кыйммәтләр, буыннан буынга күчкән гореф-гадәтләр һәм уңышлы бала тәрбияләү серләре. Кичә-конкурс бәйгедә катнашучыларга һәм тамашачыларга бик ошады.
14 май көнне Минзәлә районы Яңа Мәлкән авыл җирлегендә гаилә көненә багышлап зур бәйрәм булып узды. Бу көнне бәйрәмгә авыл җирлегендә яшәүче 30,40.45 ел бергә бәхетле гомер кичергән гаиләләр чакырылган иде. Илсинә һәм Азат Габдрахмановлар, Зәһидә һәм Расих Газизовлар, Тәнзилә һәм Моисей Галиевлар бу кичәнең төп кунаклары булдылар. Бу гаиләләр авылда зур ихтирамга лаек, тырыш гаиләләр. Аларны котлар өчен балалары, туганнары һәм авылдашлары килгән иде. Шушындый бәйрәм көнендә тантаналы рәвештә 1 май көнне туган, Хузин Ленар белән Эльвираның икенче балалары Ризванга туу турында таныклык тапшырылды.