Спас районы Болгар шәһәрендә яшәүче хезмәт ветераны Елена Храмованы туксан яшьлек юбилее белән котладылар

Олы яшькә җитеп тә, тормыштан ямь һәм тәм табып яшәүче ветеран күпләрне сокландырырлык. Ул әле дә булса шат күңелле, ачык йөзле, кирәк булса шаяртып алырга да җаен таба. Елена Евдокимова яшь вакытларын искә төшереп җырларга ярата. Үткәннәрне хәтерендә яңарта башласа, күз алдына авыр сугыш еллары килеп баса.

 Елена Евдокимовнаны юбилее белән котларга район башкарма комитеты җитәкчесе Валерий Осокин, район ветераннар советы рәисе Татьяна Бурумова, социаль яклау бүлеге вәкилләре, элеккеге хезмәттәшләре килде. Юбилярга район башлыгының котлау открыткасын, күчтәнәчләр, чәчәк бәйләмнәре тапшырдылар. Һәм, әлбәттә инде, Елена Евдокимовнага барысы да саулык, җан тынычлыгы, һаман да шулай шат күңелле булып калуын теләделәр.