Бөгелмәдә шәһәркүләм шимбә өмәсе узды. Татарстан Республикасы Бөгелмә муниципаль районы ЗАГС бүлеге хезмәткәрләре дә әлеге эштән читтә калмады. Чөнки шимбә өмәсе – ул уртак хезмәт. ЗАГС бүлеге бинасы янындагы территорияне тәртипкә китерү – изге эш. 8 апрель көнне хезмәткәрләр, кулларына көрәк алып, өелеп торган карларны, тизрәк эреп бетсен дип, бергәләп тирә-якка тараттылар.