ГХАТ органнарына 100 ел тулу уңаеннан Баулы шәһәре балалар сәнгать мәктәбендә рәсем күргәзмәсе оештырдылар

ГХАТ органнарына 100 ел тулу уңаеннан Баулы шәһәре балалар сәнгать мәктәбендә рәсем күргәзмәсе оештырдылар.

Конкурста иллеләп беренче-дүртенче сыйныф укучылары катнашкан. Әгәр иң кечкенә рәссамга җиде яшь булса, иң олысына – уналты. Күргәзмәдә  утызлап конкурс лауреатларының эшләре тәкъдим ителгән. Алар арасында акварель һәм каләм белән  башкарылган рәсемнәр, кызыл балчыктан ясалган  эшләр бар. Нигездә,  рәсемнәрендә балалар үз гаиләләрен һәм  яшь парларны күрсәткәннәр.

- Балалар ГХАТ органнарына 100 ел тулу уңаеннан  оештырылан "Минем гаиләм" конкурсы белән бик кызыксындылар. Башта барысы да безгә берничә эскиз күрсәттеләр, ә соңыннан без аларны сайлап алдык. Һәм менә шундый ямьле, матур эшләр барлыкка килде, - дип сөйли балалар сәнгать мәктәбе  укытучысы Рәмзия Әхмәтҗанова.

Ә иң лаеклы авторларга  грамоталарны   Баулы ГХАТ бүлеге җитәкчесе Сирена Мөрсәлимова тапшырды. Очрашуда ул балаларга ГХАТ бүлеге  нәрсә белән шөгыльләнгәнен сөйләде  һәм  укучыларны экскурсиягә чакырды.