“Гаилә талантлары -2017” исемле район фестиваль - конкурсы

31 нче  гыйнвар көнне 10 номерлы “Миләшкәй” балалар бакчасында  Татарстан Республикасы  Менделеев районының балалар бакчаларына йөрүчеләр  арасында “Гаилә талантлары -2017”  исемле район фестиваль- конкурсы булып узды. Чараны “Һәрвакыт булсын кояш !” исемле әдәби-музыкаль композиция ачып җибәрде. Фестиваль – конкурс “Гаиләнең визит карточкасы”, “ Хыяллар тормышка аша”, “ Безнең гаиләнең  яраткан ашамлыгы”, “Мине аңла”, “Безнең гаилә талантлары” дип аталган  5 этаптан  уздырылды.  Конкурсны  матбугат хезмәткәрләре   катнашында укытучылардан торган жюри  бәяләде.

Конкурс йомгаклары буенча “ Яңалыкка  омтылучы гаилә ” номинациясендә – Климовлар гаиләсе (МБДОУ № 8), “ Иҗади гаилә” номинациясендә – Климовлар гаиләсе (МБДОУ № 12), “Иң тату гаилә” номинациясендә – Гыймадеевлар  гаиләсе (МБДОУ № 10), “Беренчеләрдән- беренче гаилә ” номинациясендә – Йосыповлар гаиләсе (МБДОУ № 7) җиңү яулады. Барлык катнашучыларга  да жюри әгъзалары,  килгән кунаклар һәм   10 номерлы “Миләшкәй” балалар бакчасыннан (спонсор- Миндубаев К.Н )  истәлекле призлар һәм бүләкләр тапшырылды.  Алена һәм Рөстәм Йосыповлар уллары Никита белән әйбәтләрнең дә әйбәте  булдылар.

Жюри катнашучыларның  иҗади әзерлекләренә, талантларына, артистлыкларына югары бәя бирде һәм шушындый чараларның гаилә гореф-гадәтләрен  популярлаштыруда зур әһәмияткә ия булуын  ассызыклады.

Чараны өлкән тәрбияче  Абрамова Э.Ф. һәм музыкаль җитәкче Гәрәева С. А. Алып бардылар.