2017-нчы елның 9-че февралендә Гагарин исемендәге мәдәният йортында Актүбә бистәсенең совет һәм башкарма комитетының еллык эш нәтиҗәләре буенча хисап җыелышы узды. Анда тантаналы рәвештә, Актүбә бистәсендә, 2017 елда беренче булып дөньяга килгән бала Шиһапова Зилия Альберт кызын котладылар. Район башлыгы Марсель Зөфәр улы Шәйдуллин һәм бистә башлыгы Роза Алмас кызы Галеева ата-анасына баланың беренче документын, чәчәк бәйләме һәм истәлекле бүләк тапшырдылар.