Нурлат районы ГХАТ бүлегендә 2017 нче елның беренче парын тәбрикләделәр

Нурлат муниципаль районы башкарма комитеты ГХАТ бүлегендә  10 гыйнвар көнне  яңа 2017 нче елның беренче гаилә пары теркәлде. Бәхетле кияү белән кәләш – 2017 нче  елга беренче булып гариза тапшырган һәм актлар китабында 1 нче номер астында теркәлгән Дамир белән Кристина Шәрәфетдиновлар булды. ГХАТ бүлеге мөдире Г. Евлахина яшьләрне  чын кунелдән котлады, яшьләргә бәхетле һәм гомерле гаилә тормышы теләде. Шулай ук елның беренче пары булу –   зур җаваплылык йөкләвен, Дамир белән Кристина киләчәк яшь парлар өчен сокланырлык үрнәк гаилә булырга тиешлеген искәртте.