Бала туу – Җир йөзендәге иң серле могҗиза . Ә дөньяга беррәттән ике нарасыйның аваз салуы – могҗизаның могҗизасы.
Әлмәт муниципаль районы ГХАТ Идарәсендә 2017 елның беренче игезәк балаларын регистрацияләү булды. Апалы-энеле Риана һәм Тимур 4нче гыйнвар көнне дөньяга килгән. Риана энесеннән нибары 5 минут алдан туа. Рамил һәм Татьяна Шайхуловлар гаиләсендә игезәкләр икенче һәм өченче бала.
2016 ел нәтиҗәләре буенча, 26 пар игезәк һәм беренче мәртәбә өч игез бала туды.