2016 елның 3 октябрь көнендә Кама Аланы шәһәр тибындагы җирлектә “ Чулман-Су” Мәдәни үзәгенең тантаналар залында Халыкара өлкәннәр көненә багышланган туй юбилярларын котлау чарасы узды.
Быел изумруд туйларын каршы алган Рөстәм һәм Фәүзия Амировлар, 50 ел кулга кул тотынышып гомер иткән Рамил һәм Фәридә Сафаргалиевлар Кама Аланы башлыгы Александр Павловтан котлау сүзләре һәм истәлекле бүләкләр кабул иттеләр.
ЗАГС бүлеге җитәкчесе Әлфия Хаппанова, үз чиратында, юбилярларга сәламәтлек, күңел көрлеге һәм озын гомер теләп, котлау адреслары тапшырды.