Бөгелмәдә игезәкләр фестивале

Нинди могҗиза, нинди шатлык һәм нинди табышмак – берьюлы ике йөрәк дөньяга аваз сала! Һәм алар ике тамчы су кебек бер-берләренә охшаш, бер-берләре белән күзгә күренми торган җепләр белән бәйле. Игезәкләр сәхнәгә чыгу өчен карнавал костюмнары әзерләп килгәннәр. Кечкенәләр бер дә тарсынмыйча күңелле биюләр биеде, ә зуррак игезәкләр исә шигырь сөйләде, җыр башкарды. Фестивальнең ахыргы аккорды булып бүләкләү тантанасы узды. Игезәкләргә һәм аларның әти-әниләренә дипломнар һәм сертификатлар тапшырдылар.