Нурлатта август ае – туйлар вакыты

Туйларның иң гөрләгән чагы августка туры килә. Җәйнең соңгы аенда 50 пар мөнәсәбәтләрен рәсми рәвештә төркәргә карар кылган, һәр атнада язылышу турында таныклыкны 6-9 пар ала. Сүз уңаеннан, бабаларыбыз да тормышларындагы иң тантаналы вакыйганы үткәрү өчен август аен сайлый торган булганнар. Мисалга, борынгылар 19 августта үткәрелгән туй гаилә башлыгыгын хәерчелектән коткарыр, дип санаганнар.Шулай ук, август ае яшьләрнең аңлашып яшәүләрен дә вәгъдә итә. Ир белән хатынны бәхет, татулык көтәчәк.