Гаилә, мәхәббәт һәм тугрылык көнендә туу

2016 елның 8 июлендә, Гаилә, мәхәббәт һәм тугрылык көнендә Лаешның бала тудыру йортында искиткеч сабыйлар – Дмитрий һәм Кира туды. Дөньяда иң бөек могҗиза барлыкка килде, планетада җылырак һәм яктырак булып китте һәм алар хөрмәтенә күктә юл күрсәтүче йолдыз кабынды!

ЗАГС бүлеге тантаналы төстә ике бәләкәчне теркәде, Крестина Александровна һәм Сергей Вячеславович Ивановлар белән Алена Вячеславовна һәм Ярослав Олегович Лещенко гаиләләренә туу турында таныклык һәм йомшак уенчык сыйфатында истәлекле бүләк тапшырды.