Тәтеш районында игезәкләр туды

2016 елның 19 июлендә Тәтеш муниципаль районы Башкарма комитетының ЗАГС бүлегендә районыбызда 3нче пар игезәкләр тууы теркәлде. Игезәкләрнең әнисе Тәтеш шәһәрендә яшәүче Венера Маямсина.    7 нче июль  көнне 23.16 һәм 23.26 сәгатьтә дөньяга аваз салган сабыйларга әти-әнисе Әминә һәм Гөлназ дип исем бирделәр.

 Без чын күңелебездән сабыйларның әти-әнисен әлеге шатлыклы вакыйга белән котлыйбыз һәм сабыйларның исән-сау һәм бәхетле булып үсүләрен телибез.

Районда ел башыннан 111 баланың тууы теркәлгән.