Бәхетле әти - Султанов Элнар Айдар улы һәм әнисе - Султанова Миләүшә Робсон кызы изге рамазан аенда туган улларына Рамазан дип исем куштылар. Район ЗАГС бүлеге җитәкчесе Гөлфинә Баян кызы Мухамадиева яшь парны беренче балалары туу вакыйгасы уңаеннан котлап, чын күңелдән аларга тигезлек, балаларын сау-сәламәт, бәхетле итеп үстерүләрен теләде. Әлеге тантанада “Ак калфак” бөтендөнья татар иҗтимагый оешмасының илебезнең төрле төбәкләреннән килгән 150 кешелек делегаты кунак булып катнашты. (Район буенча быелгы елның шушы көненә 160 бала туды)