26 гыйнвар көнне ТР Бөгелмә муниципаль районы башкарма комитетының ГХАТ бүлегендә елның беренче игезәкләре – Анастасия белән Алёна Кузнецовлар теркәлде. Кызчыклар 22 гыйнвар көнне Бөгелмә шәһәре бала тудыру йортында дөньяга килделәр.
ГХАТ бүлеге хезмәткәрләре исеменнән бәбиләрнең әти-әнисен – Александр белән Светлананы әлеге шатлыклы вакыйга белән ихлас котлыйбыз. Кызлар сәламәт, бәхетле булып үссеннәр, ә гаиләләрендә бары тик мәхәббәт һәм ярату хөкем сөрсен!