Бөек Ватан сугышында катнашучыларны Ленинград блокадасын өзүгә 72 ел тулу уңаеннан котлау

2016 елның 27 гыйнвары, чәршәмбе

Шәһәрне 900 көнлек яклау - ул кыюлык һәм батырлык турында легендар повесть, һәм мәңгегә калачак хәтер.

Балык Бистәсе районында Бөек Ватан сугышының Ленинград блокадасында катнашкан өч ветеран яши: Т.Чаллы авылында - Вафин Шәрип Вафа улы, Куки авылында - Мусин Гайнетдин Хуснутдин улы һәм Олы Елга авылында - Шайхутдинова Минниса Киям кызы. Аларны кырыс атышлар да, артиллерия утлары да сындыра алмаган.

Ленинград блокадасын өзүгә 72 ел тулу уңаеннан Балык Бистәсе муниципаль район Башлыгы исеменнән ветераннарны күңелләрендә гомерлеккә тирән эз калдырган көн белән котладылар һәм истәлекле бүләкләр тапшырылды.

Исәннәр алдында без башыбызны иябез, ә үлгәннәр безнең мәңгегә хәтердә.

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International