Түбән Кама муниципаль районы ГХАТ идарәсе белгечләре Түбән Кама перинаталь үзәгендә яңа туган баланы тантаналы рәвештә теркәделәр.
Бу якты бәйрәмдә, Халыкара балаларны яклау көнендә балаларга да, аларның әти-әниләренә дә мөмкин кадәр күбрәк якты тәэсирләр бүләк итәсе килә.
Шул уңайдан, 2021 елның 1 июнендә перинаталь үзәктә яңа туган баланы тантаналы рәвештә чыгару булды.
Ирле-хатынлы Шляхтиннар Максим һәм Ольганың кызлары туа. Аны Анна исемле матур исем белән атадылар, гаиләдә ул өченче бала.
Түбән Кама муниципаль районы ГХАТ идарәсе белгечләре, гаиләгә бәхет һәм иминлек теләп, татар милли ашлары рецептлары язылган китап, Татарстан Республикасы Президенты Рөстәм Нургали улы Миңнехановның котлау хаты һәм сабыйның беренче документы – туу турында таныклык тапшырдылар.
Котлауларга «Юл хәрәкәте иминлеге» ДБУнең профилактика бүлеге начальнигы Сафонова Илсөя Нурислам кызы һәм начальник урынбасары Сафонова Илсөя Нурислам кызы да кушылды. Алар Шляхтиннар гаиләсенә, машина юлы теләсә кайсы, хәтта иң кыска гына сәяхәт тә сабыйга ләззәт алып килсен өчен, автокресло бүләк иттеләр.