Россиялеләр өчен Җиңү көне - елдагы иң зур бәйрәм

2021 елның 10 мае, дүшәмбе

Күп еллар дәвамында Җиңү Көне илебезнең барлык гражданнары өчен иң изге бәйрәм булып тора. Советлар Союзы халкына бу җиңү бик кыйммәткә төште, бу куркыныч сугышта 20 миллионнан артык кеше һәлак булды, һәр гаиләдә искә алырдай кешеләр бар... 9 май көнне район үзәгендә Җиңү Көнендә якташларының һәм бөтен совет халкының батырлыгын искә алу, аксубайлыларның зур шатлыгы, янә парад уза, мәңгелек утка веноклар салына. Аксубай муниципаль районы башкарма комитеты ГХАТ бүлеге хезмәткәрләре үзләренең туганнарын, якыннарын, якташларын искә алу һәм тыныч күк йөзе өчен аларга чиксез рәхмәт белдерүләрен үзләренең бурычлары дип саныйлар.