Мамадыш ГХАТ бүлегенә Казахтан якларыннан шалтырату килеп төште

2021 елның 19 апреле, дүшәмбе

Телефон аппаратының икенче башыннан, икенче илдән сине туган телеңдә сәламләүдән дә җылы күренеш бар микән! Сөйләшүне дә тырыша-тырыша татар телендә, татарча матур теләкләр белән тәмамлавы да ни тора бит!

Узган атнаның берничә көнен эш сораулары буенча Казахстан иле гражданы белән сөйләшергә туры килде. Булат әфәнденең әти-әнисе тумышы белән Мамадыш районыннан. Милләттәшебез үзе Казахстанда туса да, татар булуы белән горурлана, әти-әнисенең туган якларын күрү теләге белән яши.

ГХАТ бүлеге тарафыннан, җибәрелгән документлар арасына туган телебездә язылган татарча котлау хаты өстәлде. Әйтергә кирәк, әлеге адымга #хатларязыгыз акциясе этәрде.