Бөгелмә районында беренче игезәк балалар тууы теркәлде

2021 елның 10 марты, чәршәмбе

2021 елның 10 мартында Татарстан Республикасы Бөгелмә муниципаль районы башкарма комитеты ГХАТ бүлегендә 2021 елның 1нче игезәге теркәлде. Икеләтә могҗиза – ике матур малай Гөлфия һәм Илдар Мөхәммәтшиннар гаиләсендә туды. 5 мартта бер минут аерма белән сабыйлар дөньяга килде. Нәниләрне Самир һәм Рамир дигән матур исемнәр белән атадылар. Беренче документларны – туу турында таныклыкларны тапшырганда, ГХАТ бүлеге хезмәткәрләре чын күңелдән бәхетле әнине игезәкләр туу белән котладылар, гаиләгә иминлек, бәхет, игелек, шулай ук балаларны тәрбияләүдә уңышлар теләделәр.