Бөгелмә районының Гариповлар гаиләсе алтын туйларын билгеләп үтте
18 март көнне Валентина Владимировна һәм Рәис Харис улы Гариповлар алтын туйларын билгеләп үтте. Менә 50 ел инде алар тормыш юлы буенча бергә атлый.
Ир белән хатын бик күп сынаулар аша уза: кырыс сугыш балачагы, эвакуация, ата-аналар үлеме. Әмма ир белән хатынны болар кырыслатмый, алар бер-берсеннән канәгать булып, һәр яңа көнгә сөенеп яши, булганның кадерен белә. Бүген алар бер-берсеннән башка тормышларын күз алдына да китерә алмый. Кызлары Еленаның тууын юбилярлар язмышларының иң зур бүләге дип саныйлар, ул аларга Маргарита исемле онык бүләк итә. Бүген алар бергә оныкчыклары Мирославның уңышларына сөенәләр.
Рәис Харис улы хезмәт эшчәнлеген Бөгелмә механика заводында башлый, аннары Бөгелмә шәһәре депосында, соңрак электротехника җиһазларын ремонтлау заводында эшли, анда булачак тормыш иптәше белән таныша. Валентина Владимировна электротехника җиһазларын ремонтлау заводында кадрлар бүлеге белгече булып эшләде. Ирле-хатынлы Гариповлар туган предприятиедә лаеклы ялга чыкканчы эшлиләр. Тырыш хезмәтләре өчен завод җитәкчелегеннән Рәхмәт хатлары алалар, ә Валентина Владимировна хезмәт ветераны медале белән бүләкләнгән.
Беренче чиратта, бер-береңә карата хөрмәт һәм бер-береңне ничек бар, шулай, бөтен яхшылыклар һәм кимчелекләр белән кабул итү үзләренең бердәм тормыш сере дип саныйлар.
Гаилә коруның юбилей датасы уңаеннан юбилярлар Бөгелмә районының Мактаулы гаиләләре китабына кул куйдылар. ГХАТ бүлеге белгечләре юбилярларга Бөгелмә муниципаль районы башлыгы Линар Закировның котлау хатын һәм юбилей таныклыгын тапшырды.