Чистай ЗАГС бүлегендә гражданнарны ике дәүләт телендә кабул итү көне үткәрелде
2021 елның 25 мартында чит ил дәүләтләре территориясеннән тууны, аерылышуны, өзелүне, туганнарының үлүен, яисә аларны тузганлык (укылмау) белән бәйле рәвештә алыштырырга теләүче затлар өчен документлар таләп итүнең хокукый мәсьәләләре буенча гражданнарны кабул итү узды.
Кабул итү, коронавирус йогышы таралуны булдырмау максатларында, санитар-эпидемиологик нормалар нигезендә башкарылды.
Чистай муниципаль районында яшәүче халыкларның туган телләрен, мәдәниятен һәм традицияләрен саклау һәм үстерү, шулай ук халык белән аралашу телен сайлау мөмкинлеге өчен шартлар тудыру максатыннан ЗАГС бүлеге җитәкчесе Динара Наил кызы Җәләлова гражданнарга Үзбәкстан, Казахстан, Грузия, Таҗикстан һәм башка чит дәүләтләрдән рус һәм татар телләрендә документлар соратып алу механизмын җентекләп аңлатты.