Әлмәт шәһәрендә 26 пар игезәк балалар тууы теркәлде

2020 елның 7 декабре, дүшәмбе

2020 елның 4 декабрь аенда Әлмәт муниципаль районы башкарма комитеты ГХАТ Идарәсендә, 26 пар игезәк балалар тууы теркәлде.

Бу шатлыклы вакыйга Ахметзянов Илькам Равгат улы һәм Алсу Радик кызы гаиләсендә булды. 2 декабрь конне аларның ике кыз туды. Яңа туган сабыйларга Мадина һәм Малика исемнәре кушылды.

Игезәкләр туу белән гаилә берьюлы ике кешегә арта. Бу икеләтә бәхет, икеләтә шатлык. Балалар һәрвакыт бер-берсенә иптәш булачаклар.

ГХАТ Идарәсе белгечләре бәхетле ата-ананы котлап әтиләренә балаларның беренче дәүләт документларын - туу турында таныклыклар һәм Татарстан Республикасы Президенты Р. Н. Миңнехановның котлау хатларын тапшырдылар.

Сабыйларның сәламәт, акыллы, рәхимле булып үсүләрен телибез. Өегездә тынычлык һәм иминлек булсын!