Түбән Кама муниципаль районы ГХАТ идарәсе белгечләре Зиннәтуллиннар гаиләсен көмеш туйлары белән котладылар
Көмеш җепләр белән үрелгән гаилә тормышы китабы матур һәм кыйммәткә әверелә...
Гаилә тормышының 25 еллыгы-ир белән хатын тормышындагы иң мөһим вакыйгаларның берсе. Ә тагын – мәхәббәт турындагы гаҗәеп роман, аның һәр бите назлы, ихлас шатлык, үткәннең документаль мирасы белән сугарылган һәм бәхетле зур гаиләнең якты иллюстрациясе, хөрмәт, кайгыртучанлык, рухи аңлау матурлыгы белән бизәлгән.
Бүген, 2020 елның 9 декабрендә, Зиннәтуллиннар Илдар Эрнст улы һәм Зөлфия Габделбари кызы көмеш туйларын билгеләп үтүче гаилә тарихы белән уртаклаштылар.
Никахлашу сараеның төп залында юбилярларның туганнары һәм якыннары җыелды. Балалары Диләрә, Диана, Даниэль һәм тантананы алыпбаручы, якыннарын һәм кадерле кешеләрен бәйләгән иң мөһим хис-хатирәләр турында сораулар әзерләделәр, ир белән хатын бер-берсенә ихлас комплиментлар белән алмаштылар. «Капелла» вокаль ансамбле һәм шәһәр мәдәният йорты солисткасы Алия Махурова башкаруындагы музыкаль композицияләр якты бәйрәм атмосферасына тагын да гармониялерәк ноталар өстәделәр.
ГХАТ идарәсе белгечләре Мактаулы акт, «көмеш дистанцияне алган өчен» Мактау билгесе һәм алтын юбилейга чакыру тапшырдылар.
Түбән Кама ГХАТ Идарәсенең Мактау китабы шәһәребезнең һәм республиканың лаеклы вәкилләре исемнәре язылган тагын бер язма белән тулыландырылуына без бик шат.