Бөгелмәнең ГХАТ бүлегендә август аена йомгак ясадылар

Август аенда Бөгелмә ГХАТ бүлеге тарафыннан 80 сабый тууы теркәлде. Алар арасында 44 малай һәм 36 кыз. Ел башыннан бирле барлыгы 685 бала теркәлгән. Беренче бала – 26 гаиләдә, икенче бала – 41 гаиләдә дөньяга килгән. Август аенда берьюлы 10 гаилә күп балалы булган, аларда өченче бала туган. Дүртенче бала Бөгелмәнең 3 гаиләсендә дөньяга килгән.

Иң зур гәүдәле сабый 4450 гр., иң кечкенә гәүдәле сабый 2170 гр.
Иң яшь әтигә 20, ә иң яшь әнигә 18 яшь. Иң өлкән әти-әнинең яше 54 һәм 41. Август аендагы иң популяр исемнәр Михаил, Матвей, Артем, Варвара, Милана, Аделина. Иң үзенчәлекле исемнәр: Дэвид, Алан, Айна, Айлар, Эмилика.
Август туйларның күп булуы белән сөендерде. Бу айда 88 пар үзләренең никахларын теркәделәр. Иң яшь кәләшнең яше – 18, кияүнеке – 20. Иң өлкән кияү һәм кәләшнең яше – 61.