Китапка һәйкәл ачу тантанасында кәләшнең кулын сорау
Баулы шәһәрендә үзәк шәһәр китапханәсе территориясендә тантаналы рәвештә яңа һәйкәл ачтылар. Китап һәйкәле металлдан ясалган. Ачык китап битләрендә бөек татар шагыйре Габдулла Тукай шигырьләреннән юллар урын алган.
Уникаль һәйкәлнең авторлары - Гүзәл һәм Радик Валитовлар. Гүзәл үзәк китапханәдә хезмәт күрсәтү бүлеге мөдире булып эшли, ә ире Радик технологик транспорт идарәсендә машинист булып эшли.
Кунаклар арасында һәйкәл ачу тантанасында район башлыгы Рамил Гатиятуллин, җырчы, Татарстанның халык артисты Виль Усманов та бар иде.
Бу бәйрәм көнендә һәйкәл идеясен тормышка ашыручыларның берсе яраткан кызына кияүгә чыгарга тәкъдим ясады. Максат исемле яшь егет үзенең яраткан Алтынгөле өчен Баулы шәһәренә башка шәһәрләрдән килгән һәм монда эшкә урнашкан.
ГХАТ бүлеге җитәкчесе Сирена Мурсалимова яшь парларны аларның тормышындагы әһәмиятле адымнарың берсе белән котлады, никах теркәү өчен ЗАГС бүлегенә чакырды һәм никах теркәү өчен гариза бирү тәртибен аңлатты.