Минзәлә районында ике айлык санитар чистарту буенча өмәләр үткәрелә

2019 елның 20 апреле, шимбә

 Бүгенге гомумрайон өмәсе көнен табигатебез дә зарыгып көткән диярсең. Җылы һәм кояшлы һава торышы өмәгә чыгучыларга кәеф күтәренкелеге өстәп торды. Шәһәр урамнарында исә иртәдән үк хезмәт киеренкелеге күзгә ташланды: кулларына тырма, себерке, чиләк күтәреп олысы-кечесе өмәгә чыкты. Хезмәт коллективлары, мәктәпләр, уку йортлары дәррәү килеп тагын бер кат үзләренең территорияләрен җыештырып, буясы урыннарны буяп куйдылар. Бу эштә ГХАТ хезмәткәрләре дә читтә калмады.
 Яз - чисталык һәм матурлык вакыты. Өмәләр яшь буынга хезмәт тәрбиясе дә ул, алар аша без чисталыкка, матурлыкка ирешеп кенә калмыйбыз, ә бәлки башкалар хезмәтенә карата сакчыл караш та тәрбиялибез.