Яшел Үзән муниципаль районының яшь гражданнарына тантаналы рәвештә паспортлар тапшыру
2019 елның 10 апрелендә Яшел Үзән муниципаль районы Башкарма комитетының ГХАТ бүлегендә Яшел Үзән муниципаль районының ун яшь кешесенә Россия Федерациясе гражданы паспортын тапшыру тантанасы узды. Россия Эчке эшләр министрлыгының Яшел Үзән районы буенча Эчке эшләр бүлеге начальнигы урынбасары Дмитрий Куклев Россия Федерациясе гражданы паспортын алу киң хокук бирә, әмма алар белән бергә зур бурычлар йөкли, дип аңлатты. Һәркемнең бурычы-тормыш буенча Россия гражданинының намусын һәм абруен югары күтәреп бару. Тантаналы шартларда, Россия гимны астында, ата-аналар катнашында, укучыларга Россия Федерациясе гражданинының төп документы тапшырылды. ГХАТ бүлеге җитәкчесе урынбасары Екатерина Романова яшь гражданнарга Татарстан АССР оешуның 100 еллыгы логотибы төшерелгән истәлекле бүләкләр тапшырды.