Космонавтика көнендә Әгерҗе муниципаль районы ЗАГС бүлегендә конкурс

2019 елның 12 апреле, җомга

Космонавтика һәм авиация көне – безнең илебез өчен бик зур бәйрәм. 1961 нче елның 12 апрелендә бортында кеше утырган космик корабль космоска старт алды. Хәзер бу көнне ел саен бөтен җир шары билгеләп үтә.

 Шушы тантаналы дата уңаеннан, Әгерҗе муниципаль районы ЗАГС бүлеге хезмәткәрләре балалар бакчасындагы нәниләр белән “Космос – минем дөньям” исемле рәсем конкурсы оештырдылар. Балалар үз фантазияләренә нигезләнеп, төрле рәсемнәр: планеталар, космик корабльләр, космостагы пейзажны һәм чит планетада яшәүчеләрне ясадылар. Конкурста катнашкан һәрбер баланы приз белән бүләкләделәр.