«Ныклы гаилә» проекты кысаларында Минзәлә гаиләләренә ярдәм күрсәтелде

2019 елның 13 апреле, шимбә

«Ныклы гаилә» федераль проектын гамәлгә ашыру кысаларында 2019 елның 13 апрелендә Минзәлә муниципаль районында «Татарстан - Яңа гасыр» хәрәкәте «Көч балаларда» Хәйрия фонды белән берлектә шәхси консультацияләр һәм конфликтлы хәлләрне чишүнең коммуникатив күнекмәләрен һәм конструктив алымнарын үстерүгә юнәлдерелгән «Бергә яшәргә өйрәнәбез» интерактив дәрес-тренинг үткәрде. Чара ахырында социаль хезмәт белгечләренең эш нәтиҗәләре, шулай ук сәламәтлекләре чикле булган балалы гаиләләргә психологик ярдәм оештыру буенча киләчәк эшне планлаштыру перспективалары турында фикер алышу белән «түгәрәк өстәл» узды.