Бөгелмә муниципаль районында бәхетле гаилә
Бала туу – бер-берсен яратучы парларның тормыш һәм яшәү мәгънәсе. Өстәвенә, без нинди генә авырлыклар һәм шатлыклар кичерсәк тә – балаларсыз җирдә яшәү матур һәм тулы булмас иде! Бала дөньяга килү белән ир белән хатынның тормышы аерым мәгънәгә ия була. Ата-аналар фикеренчә, һәр бала тууы белән тормыш кыенлаша алмый, киресенчә, гаиләдә бер-береңә карата мәхәббәт һәм җаваплылык кына арта. Гаиләдә берничә бала булганда ир белән хатын бәхетле санала.
3 апрель көнне Бөгелмә муниципаль районы ГХАТ бүлеге белгечләре Елена Валерьевна һәм Альберт Олегович Угодяровларның тату гаиләсендә 3 бала тууын теркәделәр. Ир белән хатын һәм аларның Софья һәм Елизавета исемле ике матур кызлары гаиләдә Ярославның барлыкка килүенә чиксез шат. ГХАТ бүлеге белгечләре гаиләгә иминлек, ә сабыйга ныклы сәламәтлек теләделәр, әти кешегә Татарстан Республикасы Президенты исеменнән котлау хаты, истәлекле бүләк һәм Ярославның тормышындагы беренче документны – туу турында таныклык тапшырдылар.