Баулылылар җиңү яулады
8 февраль көнне Зәй шәһәренең "Энергетик" Мәдәният сараенда " Ел хатын-кызы. Ел ир-аты: хатын-кыз карашы" республика конкурсына йомгак ясалды. Җиңү өчен Республиканың 8 районыннан 54 конкурсант көрәште. Баулы ике номинациядә тәкъдим ителде. "Хатын-кыз - мәдәният һәм рухият" номинациясендә Баулы муниципаль районының "ҮКС" МБУ балалар белән эшләү буенча директоры урынбасары Ландыш Субаева, ә "Өченче буын героинясы" номинациясендә Баулының "Ак калфак" татар хатын-кызлары оешмасы җитәкчесе Румия Шәфыйкова чыгыш ясады. Румия Мөҗәһит кызы ГХАТ хезмәте ветераны, ул күп еллар Баулы районы ГХАТ бүлеге җитәкчесе булып эшләде. Алар икесе дә зона турында җиңүчеләр булдылар. Конкурста катнашучыларга уңышлы чыгыш ясарга тату ярдәм командалары ярдәм итте.