Зөбәрҗәт туйларын билгеләп үтүчеләрне хөрмәтләү

2018 елның 4 декабре, сишәмбе

Халыкара инвалидлар  көне уңаеннан Сарман районы Югары Чыршылы авылында яшәүче Флүр һәм Сөмәя Хөсәеновларны зөбәрҗәт туйлары белән авыл җитәкчелеге котлап узды. Авыл үсеше өчен куйган фидакарь хезмәтләре өчен  рәхмәт хаты һәм истәлек бүләк тапшырдылар. Бергәләп алар өч малай һәм бер кыз тәрбияләп үстерәләр, бүгенгесе көндә 7 онык һәм 3 оныкчык куанычында яшиләр.

Без аларны юбилейлары белән ихластан котлыйбыз, ныклы сәламәтлек, балалар, оныклар куанычында тигез гомер итүләрен телибез.