Нурлатта тантаналы рәвештә туу турында таныклык тапшырдылар

2018 елның 24 ноябре, шимбә

Әниләр көнен бәйрәм итү кысаларында район үзәк хастаханәсенең бала тудыру бүлегендә район Башкарма комитетының ГХАТ бүлеге белгечләре тантаналы рәвештә туу турында таныклыклар һәм Татарстан Республикасы Президенты Рөстәм Нургали улы Миңнехановның котлау адресын тапшырдылар. Федюковлар гаиләсендә бу беренче бала-уллары Максим, Гареевлар гаиләсендә-өченче, озак көтелгән кызлары Аида, Гайсиннар гаиләсендә дүртенче бала, уллары - Рамазан. Туганнары һәм якыннары катнашында тантаналы рәвештә сабыйлар Россия Федерациясе гражданнары дип игълан ителде.