Чүпрәле бала тудыру йортында тантаналы рәвештә туу турында таныклык тапшырылды

2018 елның 27 ноябре, сишәмбе

     Мөһим дата уңаеннан Чүпрәле районы ГХАТ бүлеге гадәти булмаган чара әзерләде. Аны үткәрү урыны итеп һәр хатын-кыз ана булган учреждение сайланган.

     2018 елның 27 ноябрендә район үзәк хастаханәсендә Әниләр көне алдыннан туган яңа ана һәм аның бәбиенең тантаналы выпискасы оештырдылар.  Малайны Матвей дип атаганнар.

     Иске Чүпрәле авылында беренче тапкыр әти-әниләре булган Мария һәм Виктор Явкиннар. Икесе дә яшь белгечләр. Яшь әни балалар иҗат йортында эшли, ә сабыйның әтисе полиция бүлегендә.

     Сабый туу белән аларны ГХАТ бүлеге җитәкчесе Альбина Шәрәфетдинова котлады.  Сабыйның беренче документын-туу турында таныклык тапшырды һәм сәламәтлек, гаилә бәхете теләде.