Югары Ослан муниципаль районында яңа туган баланы тантаналы рәвештә теркәү булды

2018 елның 22 октябре, дүшәмбе

2018 елның 22 октябрендә Югары Ослан муниципаль районы Башкарма комитетының ГХАТ бүлегендә тантаналы рәвештә бала тууны теркәү булып узды. Ногымановлар Равиль улы Рамиль һәм Фәрит кызы Алсу гаиләсендә кызлары Сафина-гаиләдә өченче бала булып дөньяга килде.

Гражданлык хәле актларын теркәү бүлеге җитәкчесе Наталья Кадыйрова бәхетле әнине чын күңелдән котлады, беренче дәүләт документы - туу турында таныклык, Татарстан Республикасы Президенты Р. Н. Миңнеханов исеменнән котлап уенчык тапшырды.