Балтач районында бриллиант туй

2018 елның 3 октябре, чәршәмбе

2018 елның 3 октябрь көнне Балтач районының күркәм тормышлы гаиләренең чираттагысы- Яңгул авылында  яшәүче Әнвәр Шәрифулла кызы һәм Марс  Хәлил улы Фазлыевлар гаиләсе кунаклар кабул итте. Кунаклар килүнең сәбәбе дә мөһим- Фазлыевлар быел гаилә корып яши башлауларының 60 еллыгын- бриллиант туйларын билгеләп уздылар. Элеге күркәм дата  һәм Халыкара  өлкәннәр көне уңаеннан Фазлыевлар гаиләсен Балтач районының никахларны рәсмиләштерү  бүлеге хезмәткәрләре дә өйләренә  барып тәбрикләп , истәлекле бүләкләр тапшырдылар. Мәхәббәт һәм хөрмәттә яшәгән гаиләне шулай ук Балтач районы ветераннар Советы  рәисе Рифат Абдуллин, Яңгул авыл җирлеге  башлыгы Ренат Гариповлар да истәлекле бәйрәмнәре белән котладылар.