Баулыдан Зариповлар гаиләсе «Нечкәбил-2018 " конкурсының финалында катнашачак

2018 елның 24 октябре, чәршәмбе

«Нечкәбил» республика конкурсының финалына Баулыдан Зариповлар гаиләсе чыкты. Альбина-балалар клубы җитәкчесе, Роберт-җирле эшмәкәр. Гаиләдә дүрт бала тәрбияләнә.

– Кешеләр безнең шәхси эшмәкәрләр булуыбызны, безнең дүрт балабыз булганын  белгәч, шаккаталар- ничек конкурста да  катнашырга  өлгерәсез дип? Ә без ничек яшәвебезне күрсәтергә телибез – безнең өчен дүрт бала тәрбияләү-шатлык кына ул. Без дини кешеләр, шуңа күрә безнең " Нечкәбил» конкурсында чыгыш ясауыбыз – ул үзебезнең тормыш стилен күрсәтү дә, – дип сөйли Роберт һәм Альбина.

 “Нечкәбил-2018 " конкурсының финалы 24 ноябрьдә "Академия"концерт залында узачак.