Баулы районы Покровский Урустамак авылында яшәүче хезмәт ветераны юбилеен билгеләп үтте
Бүген безнең районда яшәүче тагын бер кеше – Зинаида Бәхтиярова үзенең 90 яшьлек юбилеен билгеләп үтә.
Ул озак еллар СПК «Колос» пешекчесе булып эшли, аннан лаеклы ялга китә. Аның хезмәт стажы 46 елга якын. Бүгенге көндә Зинаида Степановна кызы белән яши, ике оныгы һәм өч оныкчыгы бар.
Юбилярны Совет аппараты җитәкчесе Айгөл Халитова котлады, Россия Президенты Владимир Путинның котлау открыткасын һәм бүләк тапшырды. Әлбәттә, Путиннан котлау кабул итү бик дулкынландыргыч булды, Зинаида Степановна хәтта Президентка сәлам җиткерүләрен дә сорады.
Покровский Урустамак авыл җирлеге башкарма комитеты вәкилләре дә юбилярны бик җылы котладылар һәм бүләк тапшырдылар. Зинаида Бәхтиярова, әлбәттә, мондый игътибар белән янып китте, аның күзләрендә рәхмәт хисләре балкыды.