Гаилә тормышы юбилярларлары Аксубай районы Яңа Ибрай җирлегенең Сабантуй мәйданында мактаулы урын яуладылар

2018 елның 16 июне, шимбә

Гаилә юбилее – тормышта иң зур вакыйгаларның берсе. Бу мөһим этап, гаилә елъязмасында  онытылмаслык вагыйга. Яңа Ибрай авылының Сабантуй мәйданында Аксубай муниципаль районы Яңа Ибрай авыл җирлеге башкарма комитеты башлыгы һәм ГХАТ бүлеге җитәкчесе гадәттәгечә «алтын», «зөбәрҗәт» һәм «тимер» гаилә тормышы юбилярларын тәбрикләделәр. Зартдиновлар, Хаметгатиннар һәм Салаховлар гаиләләре үзләренең тормыш тәҗрибәләре белән яшь парлар Баймухаметовлар һәм Кабировларлар белән уртаклаштылар. Яшь гаиләләрдә күптән түгел генә нәни сабыйлар тудылар.