2016 елның беренче көннәреннән алып районыбызның бала тудыру йортын ир-егетләр “баса” башлый. Ягъни, бер-бер артлы әти-әниләрен сөендереп малайлар доньяга аваз салалар. Бүгенге көндә районыбызда 6 малай һәм 2 кыз туа.
Балык Бистәсе районы Башкарма комитеты ГХАТ бүлеге тарафыннан 11 гыйнвар көнне районыбызның “яңа” кешеләренә тәүге дәүләт документы – туу турында таныклык тапшырылды. Бәхетле сабыйларга әти-әниләре Раяз, Эмиль, Надир, Раян кебек матур исемнәр куштылар.
Сабыйларның гомерләре озын, сау-сәламәт, гаиләләре бәхетле булсын дигән теләктә калабыз!