Түбән Кама районы ГХАТ идарәсендә яшь түбән камалыларга паспорт тапшыру тантанасы булып узды

2014 елның 24 феврале, дүшәмбе
      2014 нче елның 24 нче февралендә Түбән Кама муниципаль районы Гражданлык хәле актларын теркәү идарәсендә яшь түбән камалыларга паспортлар тапшыру тантанасы булып узды. Патриотизм, туган илгә мәхәббәт, горурлык хисе белән сугарылган әлеге тантана Түбән Кама муниципаль районы ГХАТ идарәсе һәм Татарстан Республикасының Түбән Кама шәһәрендәге  Федераль миграцион хезмәте идарәсе белән берлектә оештырылды. Инде матур традициягә әйләнгән тантаналы рәвештә паспортлар тапшыру чарасы бу юлы “Гаилә әлифбасы” кысаларында узды.
       Яшъүсмерләргә аларның төп документлары булган паспортларын тапшырганда Татарстан Республикасының Түбән Кама шәһәрендәге Федераль миграцион хезмәте идарәсенең беренче бүлеге җитәкчесе Гөлназ Шаһпазова аларны котлап, паспортның һәрберебез өчен төп документ икәнен ассызыклап әйтте.  Яшь Түбән Камалыларга паспортларын ГХАТ идарәсенең тантаналар залында тапшыру үзе үк символик мәгънәгә ия булды. Нәкъ 14 ел элек аларның әти-әниләре ГХАТ идарәсенә сабыйларының беренче документы булган туу турында таныклыкны алырга килгән булса, бәйрәмдә  инде канат җилпеп, туган ил киңлекләрен гизәргә әзер булган яшъүсмерләр, төп документлары паспортларын кабул итеп алдылар. Балаларның әти-әниләре дә әлеге мизгелләрдә ул һәм кызлары өчен горурлык хисе кичерүләрен яшереп тормыйча  шатлыклары белән уртаклашты.
      Шәһәрдәшләребез арасында популярлык казанган паспортлар тапшыру тантанасы алга таба да дәвам итеп, матур традициягә әверелер дип ышанып калабыз.
Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Идарә
Документлар
Матбугат хезмәте
Гражданнар мөрәҗәгате
Адрес: 420021, Казан шәһәре, Ахтямов урамы, 14
Телефон: +7 (843) 293-14-89, +7 (843) 293-96-98, +7 (843) 293-33-47
Факс: +7 (843) 293-14-89
E-Mail: zags@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International