Спас районы Иске Рәҗәп авылы җирле радиосы тапшыруында Рәхимуллиннар гаиләсе Насыйх Рәхимулла улы һәм Әминә Вәли кызының бергә тормыш корып яши башлауларына 60 ел тулу уңаеннан тәбрикләүләр күп яңгырады.

Рәхимуллинар , кулга –кул тотынышып, авыр тормыш юлы үттеләр . Бүген аларның җәүһәр туйлары . Алар алты бала тәрбияләп үстергәннәр . Хәзерге көндә Рәхимуллинарның  8 оныгы, 1 оныкчыгы бар. Балаларының һәрберсе тормышта үз урыннарын тапканнар. Алар туган йортларына юлны онытмыйлар, әти-әниләренең сау-сәламәтлекләрен кайгыртып торалар.

Ирле-хатынлы Рәхимуллиннар гомер буе колхозда эшләгәннәр. Алар икесе дә тыл хезмәтчәннәре.

Радиотапшыруны алып баручы юбилярларга саулык-сәламәтлек теләде. Бу котлауларга җирле ветераннар оешмасы рәисе Зиннәтулла Гыйззәтуллин һәм авыл җирлеге башлыгы Мансур Нугаев та кушылды. Алар истәлекле бүләкләр һәм чәчәкләр тапшырдылар . Юбилярлар соравы буенча аларның яраткан җыры яңгырады.