30 ноябрьдә шәһәр Мәдәният сараенда узган Әниләр көне бәйрәменә районның иң мәртәбәле әниләре, әбиләре һәм хатын-кызлары чакырулы иде. Тантаналы чарага җыелган һәр хатын-кызның иңнәренә ак яулыклар ябылды, кунакларны иҗат коллективлары үз чыгышлары белән каршы алды. Шунда ук район һәм шәһәр мәдәният учреждениеләре хезмәткәрләре кулы белән эшләнгән күргәзмә дә оештырылган иде.