Мәскәү каласында иҗат итүче Овечкиннар гаиләсе беренче балаларының туу турында таныклыгын тантаналы рәвештә алу өчен Яр Чаллы шәһәренең ЗАГС идарәсенә килде

 Мәскәү каласында иҗат итүче Овечкиннар гаиләсе беренче балаларының туу турында таныклыгын тантаналы рәвештә алу өчен Яр Чаллы шәһәренең ЗАГС идарәсенә килде.

        Бу гаиләдә зур вакыйга – дөньяга ямь өстенә ямь өстәп уллары туды.  Мондый кабатланмас вакыйганы үзең аша үткәрү гаилэ өчен генә түгел, ә жәмгыять, милләт өчен дә иң зур бүләкләрнең берсе.

       Гаилә - бала өчен җир йөзендәге иң җылы, якын урыннарның берсе, мәхәббәт, рухыйлыкны җанына, канына сеңдергән җир. Уңган хатын – ул таба диләр, хөрмәтле Люция ханым да уңган һәм булган ана! Исем кушу һәр кешенең тормышында бик мөһим вакыт. Узлэренең хәер-фатыйхалары  белән Станислав хэм Люция улларына Тимур исемен бирделәр. Тимур исеменең мәгънәсе – корычтай кочлелек, бөеклек һәм байлык.

Бала тәрбияләү ата-ананың иң изге, иң җаваплы һәм катлаулы бурычларыннан берсе. Сезгә Ходай Тәгалә сабырлык һәм көч бирсен. Балагызга олы җанлы, тәүфикълы, сезгә терәк булып үсәргә насыйп булсын!