Яшел Үзән шәһәреннең Солдатовлар гаиләсе алтын туйларын билгеләп үтте
Яшел Үзән муниципаль районы башкарма комитеты ГХАТ бүлегендә Солдатовлар гаиләсенең алтын юбилеена багышланган тантаналы чара узды. Алтын туй юбилее, бергә яшәүнең илле еллыгы-гаилә тормышындагы иң мөһим вакыйгаларның берсе!
Нәкъ 50 ел элек, 1972 елның 22 декабрендә, ирле-хатынлы Анатолий Павел улы һәм Галина Николай кызы никахларын законлы рәвештә теркәгәннәр. Кулга-кул тотынышып, йөрәк ритмының бер тибешендә яратучы кешеләр генә яши ала. Юбилярлар үзара мәхәббәтләрен, хөрмәтләрен, ышанычларын һәм бер-берсенә тугрылыкларын исбатладылар.
2022 елның 22 декабрендә Солдатовлар гаиләсе өчен Мендельсон маршы кабат яңгырады. Ир белән хатын, юбилярларны хөрмәтләү китабына үз имзаларын куйдылар һәм «алтын никах үбешү» белән алмаштылар. Юбилярларга Татарстан Республикасы Яшел Үзән муниципаль районы башлыгы М. П. Афанасьевның Рәхмәт хатын тапшырдылар. Юбилярларга туганнарыннан һәм якыннарыннан рәхмәт һәм котлау сүзләре күп яңгырады.
Галина Николай кызын һәм Анатолий Павел улын чын күңелдән алтын туй белән котлыйбыз! Бәхет, сәламәтлек һәм тагын күп еллар бергә яшәүләре теләп калабыз.